ਆਕਲੈਂਡ ( ਹਰਜਿੰਦਰ ਸਿੰਘ ਬਸਿਆਲਾ ) 8 ਮਈ / ਇੱਥੇ ਵਸਦੇ ਪੰਜਾਬੀਆਂ ਨੇ ਇੱਕ ਹੋਰ ਪ੍ਰਾਪਤੀ ਆਪਣੇ ਨਾਮ ਕਰਦਿਆਂ ਨਿਉਜੀਲੈਂਡ ਸੰਵਿਧਾਨ ਦੇ ਘਰ ( ਵæਿਲਟੰਗਟਨ ਸਥਿੱਤ ਦੇਸ ਦੀ ਪਾਰਲਮੈਂਟ ) ਵਿੱਚ ਪਹਿਲੀ ਵਾਰ ਭਾਰਤੀ ਸੰਵਿਧਾਨ ਦੇ ਪਿਤਾਮਾ ਡਾ . ਭੀਮ ਰਾਓ ਅੰਬੇਦਕਰ ਦੀ 125 ਵੀਂ ਜੈਅੰਤੀ ਮਨਾਉਣ ਦਾ ਪਰੋਗਰਾਮ ਉਲੀਕਿਆ ਹੈ | 10 ਮਈ ਦਿਨ ਮੰਗਲਵਾਰ ਨੂੰ ਸ਼ਾਮ 6 ਤੋਂ 10 ਵਜੇ ਤੱਕ ਪਾਰਲੀਮੈਂਟ ਕੰਪਲੈਕਸ ਦੀ ਗੈਲਰੀ ਵਿੱਚ ਵੱਡਾ ਸਮਾਗਮ ਹੋਵੇਗਾ ਜਿਸ ਦੇ ਵਿੱਚ ਦੇ
ਸ ਦੇ ਪ੍ਰਧਾਨ ਮੰਤਰੀ ਸ਼੍ਰੀ ਜੌਹਨ ਕੀ ਮੁੱਖ ਮਹਿਮਾਨ ਹੋਣਗੇ ਅਤੇ ਸੰਬੋਧਨ ਕਰਨਗੇ | ਦੇਸ ਦੀਆਂ ਹੋਰ ਰਾਜਨੀਤਕ ਸਖਸ਼ੀਅਤਾਂ ਜਿੰਨਾਂ੍ਹ ਵਿੱਚ ਸੰਸਦ ਮੈਂਬਰ ਅਤੇ ਮੰਤਰੀ ਸਹਿਬਾਨ ਸ਼ਾਮਲ ਹਨ , ਵੀ ਇਸ ਸਮਾਰੋਹ ਦੇ ਵਿੱਚ ਸ਼ਾਮਲ ਹੋ ਕੇ ਡਾ . ਭਮਿ ਰਾਓ ਅੰਬੇਦਕਰ ਨੂੰ ਯਾਦ ਕਰਨਗੇ | ਇਥੇ ਵੱਸਦੇ ਭਾਰਤੀ ਭਾਈ ਚਾਰੇ ਦੇ ਵਿੱਚ ਕਾਫੀ ਉਤਸ਼ਾਹ ਪਾਇਆ ਜਾ ਰਿਹਾ ਹੈ | ਅੰਬੇਦਕਰ ਸਪੋਰਟਸ ਕਲੱਬ ਅਤੇ ਨਿਉਜੀਲੈਨਡ ਗੁਰੂ ਰਵਿਦਾਸ ਸਭਾ ਬੰਬੇ ਹਿੱਲ ਵੱਲੋਂ ਇਸ ਸਾਰੇ ਸਮਾਗਮ ਨੂੰ ਨੇਪਰੇ ਚਾੜਿਆ ਜਾਵੇਗਾ | ਡਾ। ਪਰਮਜੀਤ ਪਰਮਾਰ ਅਤੇ ਸ਼੍ਰੀ ਕਰਨੈਲ ਸਿੰਘ ਬੱਧਣ ( ਕਲੱਬ ਪ੍ਰਧਾਨ ) ਹੋਰਾਂ ਨੇ ਇਹ ਸਮਾਗਮ ਰਚਣ ਦੇ ਵਿੱਚ ਕਾਫੀ ਮਿਹਨਤ ਕੀਤੀ ਹੈ | ਅੰਬੇਦਕਰ ਸਪੋਰਟਸ ਕਲੱਬ ਵੱਲੋਂ ਸਾਰੇ ਭਾਰਤੀ ਭਾਈਚਾਰੇ ਨੂੰ ਇਸ ਸਮਾਗਮ ਵਿੱਚ ਪੁੱਜਣ ਦੀ ਅਪੀਲ ਕੀਤੀ ਗਈ ਹੈ |
Blogger Comment