ਨਵੀਂ ਦਿੱਲੀ : ਸਬਰੀਮਾਲਾ ਮੰਦਰ ਪ੍ਰਬੰਧਕਾਂ ਨੇ ਸੁਪਰੀਮ ਕੋਰਟ ਨੂੰ ਦੱਸਿਆ ਕਿ ਮੰਦਰ ‘ਚ 10 ਸਾਲ ਤੋਂ 50 ਸਾਲ ਦੀ ਉਮਰ ਦੀਆਂ ਔਰਤਾਂ’ਤੇ ਇਸ ਲਈ ਪਾਬੰਦੀ ਹੈ ਕਿਉਂਕਿ ਉਹ ਮਾਂਹਵਾਰੀ ਕਾਰਨ 41 ਦਿਨ ਦੇ ਵਰਤ ‘ਚ ਸ਼ੁੱਧਤਾ ਕਾਇਮ ਨਹੀਂ ਰੱਖ ਸਕਦੀਆਂ। ਇਸ ਮਾਮਲੇ ‘ਤੇ ਜੱਜਾਂ ਨੇ ਪੁੱਛਿਆ ਕਿ ਮਾਂਹਵਾਰੀ ਦਾ ਸ਼ੁੱਧਤਾ ਨਾਲ ਕੀ ਸਬੰਧ ਹੈ।
ਕੇਰਲ ਦੇ ਇਸ ਮੰਦਰ ‘ਚ ਪ੍ਰਬੰਧ ਸੰਭਾਲ ਰਹੇ ਬੋਰਡ ਨੇ ਦਾਅਵਾ ਕੀਤਾ ਹੈ ਕਿ ਪਾਬੰਦੀ ਕੋਈ ਭੇਦਭਾਵ ਨਹੀਂ ਤੇ ਇੱਕ ਤਰਕਪੂਰਨ ਫੈਸਲਾ ਹੈ। ਬੋਰਡ ਦੇ ਵਕੀਲ ਨੇ ਕਿਹਾ ਹੈ ਕਿ ਇਹ ਕੋਈ ਲਿੰਗ ਭੇਦ ਨਹੀਂ ਹੈ। ਇਹ ਇੱਕ ਤਰਕ ਅਧਾਰਤ ਪਹੁੰਚ ਹੈ ਜਿਸ ਕਾਰਨ ਖਾਸ ਉਮਰ ਦੀਆਂ ਔਰਤਾਂ ਬਾਰੇ ਇਹ ਫੈਸਲਾ ਲਿਆ ਗਿਆ ਹੈ। ਅਦਾਲਤ ਨੇ ਵਕੀਲ ਤੋਂ ਪੁੱਛਿਆ ਕਿ ਇਹ ਵਰਗੀਕਰਨ ਦਾ ਅਧਾਰ ਕੀ ਹੈ ? ਇਸ’ਤੇ ਵਕੀਲ ਨੇ ਕਿਹਾ ਕਿ ਕੁਝ ਖਾਸ ਉਮਰ ਦੀਆਂ ਔਰਤਾਂ ਨੂੰ ਵੱਖ ਇਸ ਲਈ ਰੱਖਿਆ ਗਿਆ ਹੈ ਕਿਉਂਕਿ ਇਸ ਉਮਰ ਦੀਆਂ ਔਰਤਾਂ ਮਾਂਹਵਾਰੀ ਕਾਰਨ ਸ਼ੁੱਧਤਾ ਬਰਕਰਾਰ ਨਹੀਂ ਰੱਖ ਸਕਦੀਆਂ।
ਜੱਜਾਂ ਨੇ ਕਿਹਾ ਕਿ ਕੀ ਤੁਸੀਂ ਇਹ ਕਹਿਣਾ ਚਾਹੁੰਦੇ ਹੋ ਕਿ ਮਾਂਹਵਾਰੀ ਔਰਤਾਂ ਦੀ ਸ਼ੁੱਧਤਾ ਨਾਲ ਜੁੜੀ ਹੋਈ ਹੈ। ਕੀ ਤੁਸੀਂ ਸ਼ੁੱਧਤਾ ਦੇਅਧਾਰ ‘ਚ ਅੰਤਰ ਕਰ ਰਹੇ ਹੋ। ਹੁਣ ਸਵਾਲ ਇਹ ਹੈ ਕਿ ਸਾਡਾ ਸੰਵਿਧਾਨ ਇਸ ਦੀ ਇਜਾਜ਼ਤ ਦਿੰਦਾ ਹੈ
Blogger Comment