ਮੈਲਬੌਰਨ, 29 ਜਨਵਰੀ (ਸਰਤਾਜ ਸਿੰਘ ਧੌਲ)-ਪੈ ਰਹੀ ਲਗਾਤਾਰ ਗਰਮੀ ਤੋਂ ਇਥੋਂ ਦੇ ਨਿਵਾਸੀਆਂ ਨੂੰ ਉਸ ਸਮੇਂ ਰਾਹਤ ਮਿਲੀ ਜਦੋਂ ਬੀਤੀ ਰਾਤ ਰੁਕ-ਰੁਕ ਬਾਰਿਸ਼ ਹੁੰਦੀ ਰਹੀ ਅਤੇ ਕਈ ਥਾਵਾਂ 'ਤੇ ਹੜ੍ਹਾਂ ਵਰਗੀ ਸਥਿਤੀ ਬਣ ਗਈ | ਕਈ ਸੜਕਾਂ 'ਤੇ ਪਾਣੀ ਕਰਕੇ ਆਵਾਜਾਈ ਵੀ ਪ੍ਰਭਾਵਿਤ ਹੋਈ | 20 ਮਿਲੀਮੀਟਰ ਤੋਂ 40 ਮਿਲੀਮੀਟਰ ਤੱਕ ਵਰਖਾ ਹੋਈ | ਮੌਸਮ ਵਿਭਾਗ ਨੇ ਚਿਤਾਵਨੀ ਦਿੱਤੀ ਹੈ ਕਿ ਆਉਣ ਵਾਲੇ 24 ਘੰਟਿਆਂ 'ਚ ਗਰਜ-ਚਮਕ ਨਾਲ ਹੋਰ ਬਰਸਾਤ ਹੋਵੇਗੀ | ਕਈ ਥਾਵਾਂ 'ਤੇ ਤੇਜ਼ ਹਨੇਰੀ ਨਾਲ ਵਰਖਾ ਆਉਣ ਦੀ ਸੰਭਾਵਨਾ ਹੈ | ਬਰਾਈਟਨ ਖੇਤਰ 'ਚ ਜੋ ਕਿ ਸਮੁੰਦਰ ਦੇ ਕੰਢੇ 'ਤੇ ਹੈ, ਤੇਜ਼ ਮੀਂਹ ਪੈਣ ਕਰਕੇ ਹੜ੍ਹਾਂ ਵਰਗੀ ਸਥਿਤੀ ਬਣ ਗਈ ਸੀ | ਤਾਪਮਾਨ ਕਾਫੀ ਗਰਮ ਤੋਂ ਠੰਢਾ ਹੋ ਗਿਆ, ਜਿਸ ਨਾਲ ਲੋਕਾਂ ਨੇ ਬਾਰਿਸ਼ ਦਾ ਆਨੰਦ ਮਾਣਿਆ | ਕਈ ਤਰ੍ਹਾਂ ਦੇ ਅੰਦਰ ਪਾਣੀ ਦਾਖ਼ਲ ਹੋ ਗਿਆ | ਐਮਰਜੈਂਸੀ ਸਰਵਿਸਿਜ਼ ਨੇ ਲੋਕਾਂ ਦੀ ਮਦਦ ਕੀਤੀ | ਆਉਣ ਵਾਲੇ ਅਗਲੇ ਹਫ਼ਤੇ ਵੀ ਮੌਸਮ ਠੰਢਾ ਹੀ ਰਹੇਗਾ |
Blogger Comment