ਕੀਵੀ ਪੰਜਾਬ :( ਬਿਉਰੋ ) ਕੁਇਨਸ ਬਰਥਡੇ ਨੈਸ਼ਨਲ ਹਾਕੀ ਟੂਰਨਾਂਮੈਂਟ 2016 ਨੂੰ ਬੇ ਆਫ਼ ਪਲੈਨਟੀ ਇੰਡੀਅਨ ਸਪੋਰਟਸ ਕਲੱਬ ਨੇ ਆਪਣੇ ਨਾਮ ਕਰ ਲਿਆ | ਇਹ ਟੂਰਨਾਂਮੈਂਟ 1963 ਵਿੱਚ ਵੈਲਿੰਗਟਨ ਤੋਂ ਸ਼ੁਰੂ ਹੋਇਆ ਸੀ | ਦੇਸ਼ ਦੇ ਹਰ ਸੂਬੇ ਵਿਚ ਭਾਰਤੀ ਖੇਡ ਕਲੱਬਾਂ ਦੇ ਅੱਠ ਵੱਖ-ਵੱਖ ਸੰਗਠਨ ਹਨ | ਨਿਊ ਜ਼ੀਲੈੰਡ ਭਾਰਤੀ ਸਪੋਰਟਸ ਐਸੋਸੀਏਸ਼ਨ ਦੇਸ਼ ਦੇ ਵੱਖ-ਵੱਖ ਖੇਤਰ 'ਚ ਰਾਜ ਖੇਡ ਦੇ ਐਸੋਸੀਏਸ਼ਨ ਦੀ ਮਦਦ ਨਾਲ ਕੁਇਨਸ ਬਰਥਡੇ ਨੈਸ਼ਨਲ ਹਾਕੀ ਟੂਰਨਾਂਮੈਂਟ ਹਰ ਸਾਲ ਆਯੋਜਿਤ ਕਰਦੀ ਹੈ | ਨਿਊ ਜ਼ੀਲੈੰਡ ਭਾਰਤੀ ਸਪੋਰਟਸ ਐਸੋਸੀਏਸ਼ਨ ਨਿਊਜ਼ੀਲੈੰਡ ਹਾਕੀ ਫੈਡਰੇਸ਼ਨ ਦੇ ਅਧੀਨ ਮਾਨਤਾ ਪ੍ਰਾਪਤ ਸੰਸਥਾ ਹੈ | ਇਸ ਸਾਲ ਟੂਰਨਾਂਮੈਂਟ Waikato ਇੰਡੀਅਨ ਦੁਆਰਾ ਆਯੋਜਿਤ ਕੀਤਾ ਗਿਆ ਸੀ | ਕੁਇਨਸ ਬਰਥਡੇ ਟੂਰਨਾਂਮੈਂਟ ਨਿਊਜ਼ੀਲੈੰਡ ਦਾ ਕੌਮੀ ਪੱਧਰ ਦਾ ਟੂਰਨਾਂਮੈਂਟ ਹੈ | ਬੇ ਆਫ਼ ਪਲੈਨਟੀ ਨਿਊਜ਼ੀਲੈੰਡ ਦੀ ਇੱਕੋ ਇੱਕ ਪੰਜਾਬੀ ਹਾਕੀ ਟੀਮ
ਹੈ ਅਤੇ ਡਾ. ਕਰਨਦੀਪ ਲਾਲ ਇਸ ਹਾਕੀ ਟੀਮ ਤੇ ਕਲਚਰ ਐਸੋਸੀਏਸ਼ਨ ਦੇ ਪਿਸ਼ਲੇ ਦਸ ਸਾਲ ਤੋਂ ਪ੍ਰਧਾਨ ਹਨ , ਜੋ ਨਿਊਜ਼ੀਲੈੰਡ ਵਿੱਚ ਭਾਰਤੀ ਕਮਿਉਨਿਟੀ ਨੂੰ ਪ੍ਰਫੁਲਿਤ ਕਰਨ ਵਿੱਚ ਆਪਣਾ ਉਚੇਚਾ ਯੋਗਦਾਨ ਪਾ ਰਹੇ ਹਨ | ਇਹ ਟੂਰਨਾਂਮੈਂਟ 4 ਜੂਨ ਨੂੰ ਸ਼ੁਰੂ ਹੋਇਆ ਸੀ | 6 ਜੂਨ ਨੂੰ ਟੂਰਨਾਂਮੈਂਟ ਡਾ ਫੈਨ ਮੈਚ ਬੇ ਆਫ਼ ਪਲੈਨਟੀ ਅਤੇ Palmerston North Central District ਟੀਮ ਦਰਮਿਆਨ ਹੋਇਆ , ਇਸ ਮੈਚ ਵਿੱਚ ਬੇ ਆਫ਼ ਪਲੈਨਟੀ ਦੀ ਟੀਮ ਨੇ ਵਿਰੋਧੀ ਟੀਮ ਨੂੰ 4 -1 ਦੇ ਵੱਡੇ ਫਰਕ ਨਾਲ ਹਰਾ ਦਿੱਤਾ | ਬੇ ਆਫ਼ ਪਲੈਨਟੀ ਇੰਡੀਅਨ ਸਪੋਰਟਸ ਐਸੋਸੀਏਸ਼ਨ ਹਾਕੀ ਟੀਮ ਦੀ ਮੁੱਖ ਪ੍ਰਾਯੋਜਕ ਸੀ ਅਤੇ ਟੀਮ ਦੇ ਸਾਰੇ ਮੈਂਬਰ ਭਾਰਤੀ ਰੋਟੋਰੂਆ ਭਾਈਚਾਰੇ ਚੋਂ ਸਨ | ਸ਼੍ਰੀ ਦਿਆਲ ਧੇੜਾ ਐਸੋਸੀਏਸ਼ਨ ਦੇ ਸੰਸਥਾਪਕ ਮੈਂਬਰ ਹਨ ਅਤੇ ਉਹਨਾ ਡਾ ਪਰਿਵਾਰ ਵੀ ਭਾਰਤੀ ਭਾਈਚਾਰੇ ਵਾਸਤੇ ਸ਼ਲਾਘਾਯੋਗ ਯੋਗਦਾਨ ਪਾ ਰਿਹਾ ਹੈ | ਰਵਿੰਦਰ ਸਿੰਘ ਲਾਲੀ, ਨਿਰਵੈਰ ਸਿੰਘ, ਸੁਖਨਦੀਪ ਸਿੰਘ (ਕਪਤਾਨ), ਸੀਨੀਅਰ ਖਿਡਾਰੀ, ਸੰਦੀਪ ਸਿੰਘ, ਜਰਮਾਨ ਸਿੰਘ, ਰਾਜ ਕੁਮਾਰ, ਗੁਰਵਿੰਦਰ ਸਿੰਘ, ਗਗਨ੍ਜੋਤ ਸਿੰਘ, ਜਸਵਿੰਦਰ ਸਿੰਘ, ਪ੍ਰੀਤ ਭੁੱਲਰ, ਪਲਵਿੰਦਰ ਸਿੰਘ ਪਿੰਦੁ, ਜੈਵੰਤ , ਕਮਲ ਸਿੰਘ ਦਿਓਲ, ਸੁਰਿੰਦਰ ਸਿੰਘ ਹਨ ਕੁਲਜ੍ਯੋਤ ਸਿੰਘ ਲਾਲ, ਜਰਮਨ ਜੀਤ ਸਿੰਘ ਗੋਲਕੀਪਰ ਸਮੇਤ ਸਾਰੇ ਹੀ ਖਿਡਾਰੀਆਂ ਨੇ ਆਪਣਾ ਆਪਣਾ ਰੋਲ ਇਸ ਟੂਰਨਾਂਮੈਂਟ ਨੂੰ ਜਿੱਤਣ ਲਈ ਬਖੂਬੀ ਨਿਭਾਇਆ | ਫਾਇਨਲ ਮੈਚ ਨੂੰ ਵੇਖਣ ਵਾਸਤੇ ਖੂਬ ਦਰਸ਼ਕ ਆਏ ਜਿਸ ਨਾਲ ਮੈਚ ਬਹੁਤ ਜਿਆਦਾ ਰੋਮਾਚਕ ਹੋ ਨਿਬੜਿਆ |
Blogger Comment