ਆਟਵਾ :- ਕੈਨੇਡਾ ਦੀ ਨੈਸ਼ਨਲ ਬੈਂਕ ਨੇ ਆਪਣੀ ਭਵਿੱਖਬਾਣੀ ਵਿੱਚ ਕਿਹਾ ਹੈ ਕਿ ਕੈਨੇਡਾ ਦੀ ਆਰਥਕਿਤਾ ਦੀ ਧੀਮੀ ਰਫਤਾਰ ਅਤੇ ਲਿਬਰਲ ਸਰਕਾਰ ਦੇ ਖਰਚਿਆਂ ਕਾਰਨ ਆਉਂਦੇ ਚਾਰ ਸਾਲ ਵਿੱਚ ਕੈਨੇਡਾ ਦਾ ਬਜਟ ਘਾਟਾ 90 ਬਿਲੀਅਨ ਤਕੱ ਪਹਚੁੰ ਜਾਵੇਗਾ । ਆਪਣੀ ਰੀਪੋਰਟ ਵਿੱਚ ਬੈਂਕ ਨੇ ਕਿਹਾ ਹੈ ਕਿ ਲਿਬਰਲ ਸਰਕਾਰ ਦੇ ਵਿਤੀ ਸਟਿਮੂਲਸ ਦੇ ਵਾਅਦੇ ਅਤੇ ਆਰਥਿਕਤਾ ਦਾ ਕੰਮਜ਼ੋਰ ਹੋਣਾ ਇਸ ਦੇ ਮੁੱਖ ਕਾਰਨ ਹਨ। ਰੀਪੋਰਟ ਵਿੱਚ ਕਿਹਾ ਹੈ ਕਿ ਕੈਨੇਡਾ ਦੀ ਆਰਥਿਕਤਾ ਅੰਦਾਜ਼ੇ ਨਾਲੋਂ ਘੱਟ ਰਫ਼ਤਾਰ ਨਾਲ ਅੱਗੇ ਵੱਧ ਰਹੀ ਹੈ ਅਤੇ ਇਸ ਨਾਲ ਸਰਕਾਰ ਦੀ ਆਉਂਦੇ ਚਾਰ ਸਾਲਾਂ ਵਿੱਚ 50 ਬਿਲੀਅਨ ਡਾਲਰ ਦੀ ਹੋਰ ਆਮਦਨ ਘਟ ਜਾਵੇਗੀ। ਲਿਬਰਲ ਸਰਕਾਰ ਨੇ ਆਉਂਦੇ ਸਾਲਾਂ ਵਿੱਚ 17 .4 ਬਿਲੀਅਨ ਡਾਲਰ ਬੁਨਿਆਦੀ (ਇਨਫਰਾਸਟਰੱਕਚਰ) ਪ੍ਰੋਜੈਕਟਾਂ 'ਤੇ ਖਰਚ ਕਰਨ ਦਾ ਵਾਅਦਾ ਕੀਤਾ ਸੀ ਅਤੇ ਆਸ ਕੀਤੀ ਸੀ ਇਸ ਨਾਲ ਨੌਕਰੀਆਂ ਵਧਣਗੀਆਂ ਅਤੇ ਆਰਥਿਕਤਾ ਦਾ ਵਿਕਾਸ ਹੋਵੇਗਾ। ਜਦ ਕਿ ਤਾਕਤ ਵਿੱਚ ਆਉਣ ਤੋਂ ਬਾਅਦ ਲਿਬਰਲ ਸਰਕਾਰ
ਬਜਟ ਘਾਟੇ ਨੂੰ 10 ਬਿਲੀਅਨ ਡਾਲਰ ਤੋਂ ਹੇਠ ਰੱਖਣ ਦੇ ਵਾਅਦੇ ਤੋਂ ਪਾਸਾ ਪਲਟ ਗਈ ਹੈ । ਰੀਪੋਰਟ ਵਿੱਚ ਕਿਹਾ ਹੈ ਕਿ ਲਿਬਰਲਾਂ ਨੇ ਇਹ ਵੀ ਵਾਅਦਾ ਕੀਤਾ ਸੀ ਕਿ ਲਿਬਰਲ ਮੈਨਡੇਟ ਦੇ ਚੌਥੇ ਸਾਲ ਬਜਟ ਨੂੰ ਬੈਲੇਂਸ , ਭਾਵ ਸਾਵਾਂ ਕਰ ਦਿਤਾ ਜਾਵੇਗਾ। ਪਰ ਬਜਟ ਬੈਲੈਂਸ ਦੇ ਇਸ ਵਾਦੇ ਨੂੰ ਪੂਰਾ ਕਰਨ ਲਈ ਲਿਬਰਲਾਂ ਨੂੰ ਕਾਫੀ ਟੈਕਸ ਵਧਾਉਣੇ ਅਤੇ ਹੋਰ ਲਗਾਉਣੇ ਪੈਣਗੇ । ਸਰਕਾਰ ਬਣਦੇ ਸਾਰ ਵਿੱਤ ਮੰਤਰੀ ਬਿਲ ਮਾਰਨਿਓ ਨੇ ਕਿਹਾ ਸੀ ਸਾਨੂੰ ਟੋਰੀ ਸਰਕਾਰ ਤੋਂ 3 ਬਿਲੀਅਨ ਡਾਲਰ ਦੇ ਘਾਟੇ ਦਾ ਬਜਟ ਮਿਲਿਆ ਹੈ ਜੋ ਕਿ ਆਰਥਿਕਤਾ ਦੀ ਧੀਮੀ ਗਤੀ ਕਾਰਨ ਹੋਇਆ ਹੈ। ਸਰਕਾਰ ਵੱਲੋਂ ਵਾਰ ਵਾਰ ਆਰਥਿਕਤਾ ਦੇ ਵਾਧੇ ਵਿੱਚ ਗਿਰਾਵਟ ਦੀ ਭਵਿੱਖਬਾਣੀ ਕੀਤੀ ਜਾ ਰਹੀ ਹੈ ਜਿਸ ਨਾਲ ਸਰਕਾਰ ਲਈ ਬਜਟ ਸਾਵਾਂ ਕਰਨਾ ਸੌਖਾ ਨਹੀ ਹੋਵੇਗਾ। ਕੰਸਰਵਟਿਵਪਾਰਟੀ ਦੀ ਅੰਤਰਮ ਲੀਡਰ ਐਨਾ ਐਬਰੋਜ਼ ਨੇ ਨੈਸ਼ਨਲ ਬੈਂਕ ਦੀ ਰੀਪੋਰਟ ਦੇ ਸੰਦਰਭ ਵਿੱਚ ਕਿਹਾ ਹੈ ਕਿ ਲਿਬਰਲ ਸਰਕਾਰ ਵੱਲੋਂ ਕੀਤੇ ਜਾ ਰਹੇ ਅੰਨੇ ਫਜਲੂ ਖਰਚੇ ਕਾਰਨ ਕੈਨੇਡਾ ਦਾ ਵਕਾਰ ਹੇਠਾਂ ਡਿੱਗ ਰਿਹਾ ਹੈ ਅਤੇ ਵਾਰਾਂ ਲਈ ਟੈਕਸ ਵੱਧਣ ਅਤੇ ਵਿੱਤੀ ਸਕਿਊਰਿਟੀ ਦਾ ਖਤਰਾ ਵੀ ਵਧ ਰਿਹਾ ਹੈ ।
Blogger Comment